Thinam.com

  • Increase font size
  • Default font size
  • Decrease font size
முகப்பு விளம்பரம்
விளம்பரம்

கேரளாவில் 100 தியேட்டரில் விஸ்வரூபம் ரிலீஸ் ஆனது : தியேட்டரில் ரசிகர்கள் கூட்டம் அலைமோதியது

E-mail Print PDF

திருவனந்தபுரம்: கேரளாவில் 100 தியேட்டர்களில் விஸ்வரூபம் படம் இன்று ரிலீஸ் ஆனது. கமல்ஹாசன் இயக்கி, தயாரித்து நடித்துள்ள படம் 'விஸ்வரூபம்'. இப்படம் இன்று தமிழகம் முழுவதும் திரைக்கு வருவதாக இருந்தது. இதற்கிடையில் சில முஸ்லிம் அமைப்பினர் படத்தை தடை செய்ய கோரி 2 நாட்களுக்கு முன்பு போலீசில் புகார் கொடுத்தனர். பிறகு தமிழக அரசிடம் புகார் தந்தனர். இதையடுத்து படத்தை திரையிட 15 நாட்கள் தடை விதிக்கப்பட்டது. இதை எதிர்த்து கமல் சார்பில் ஐகோர்ட்டில் மனு தாக்கல் செய்யப்பட்டது. வழக்கை நீதிபதி கே.வெங்கட்ராமன் விசாரித்து, 'இந்த வழக்கில் எந்த இடைக்கால தடை உத்தரவும் பிறப்பிக்க முடியாது. வரும் 26ம் தேதி (நாளை) படத்தை பார்த்துவிட்டு பிறகு உரிய உத்தரவு 28ம் தேதி பிறப்பிக்கப்படும்' என்றார். இந்நிலையில் படத்தை 2 வார காலத்துக்கு திரையிட புதுச்சேரியில் தடை விதிக்கப்படுவதாக மாவட்ட கலெக்டர் மற்றும் மாவட்ட மாஜிஸ்திரேட் ஜே.அசோக்குமார் நேற்று அறிவித்தார்.

கேரளாவிலும் விஸ்வரூபம் படம் இன்று ரிலீஸ் செய்யப்படும் என்று அறிவிக்கப்பட்டிருந்தது. இதையடுத்து காலையிலேயே தியேட்டரில் ரசிகர்கள் கூட்டம் அலைமோதியது. கேரள அரசின் பிலிம் டெவலப்மென்ட் கார்ப்பரேஷனுக்கு சொந்தமான 10 திரையரங்குகள் உள்பட 100 திரையரங்குகளில் படம் இன்று காலை ரிலீசானது. விஸ்வரூபத்துக்காக ஒவ்வொரு தியேட்டரிலும் அதிநவீன சவுண்ட் சிஸ்டம் கருவிகள் பொருத்தப்பட்டுள்ளன.  படத்தை காண ரசிகர்கள் காலையிலேயே திரையரங்கு முன்பு கூடியிருந்தனர். எர்ணாகுளத்தில் ஸ்ரீதர் தியேட்டர், திருவனந்தபுரத்தில் கைரளி, நியூ தியேட்டர் உள்பட 14 மாவட்டங்களிலும் படம் ரிலீஸ் ஆனது.

கர்நாடகத்தில் 'விஸ்வரூபம்' வெளியீடு

கர்நாடக மாநிலத்தில் 'விஸ்வரூபம்' திரைப்படம் 50 திரையரங்குகளில் பிற்பகலில் வெளியிட விநியோகிஸ்தர்கள் ஏற்பாடு செய்துள்ளனர். பெங்களூரில் மட்டும் 35 திரையரங்குகளில் விஸ்வரூபத்தை வெளியிட திட்டமிட்டுள்ளனர்.

Last Updated on Friday, 03 May 2013 11:24
 

நித்தியானந்தாவை கைது செய்ய வழக்கறிஞர்கள் சங்கம் கோரிக்கை.

E-mail Print PDF

மதுரை: புதிய மதுரை ஆதீனமாக நியமிக்கப்பட்ட நித்தியானந்தாவை கைது செய்ய வழக்கறிஞர்கள் சங்கம் கோரிக்கை விடுத்துள்ளது. மதுரை மாவட்ட ஆட்சியர் சகாயத்திடம், நித்தியை கைது செய்யக் கோரி சமூக நல ஆதரவு வழக்கறிஞர்கள் சங்கம் சார்பில், பூசைத்துரை தலைமையில் மனு கொடுத்தனர். ஆதீன பாரம்பரிய முறைப்படி நித்தியானந்தா ஆதீனமாக நியமிக்கப்படவில்லை என்று குற்றம் சாட்டியுள்ளனர். ரூ.1 கோடி கொடுத்து ஆதீன பட்டத்தை நித்தி வாங்கி விட்டதாகவும் மனுவில் கூறப்பட்டுள்ளது. மேலும் குற்றப் பின்னணி கொண்ட நித்தியானந்தாவை ஆதீனமாக பட்டம் சூட்டியது இந்து சமய நெறிகளை கேலி கூத்தாக்கியுள்ளதாகவும் மனுவில் குறிப்பிட்டள்ளனர். இதற்கு காரணமான மடாதிபதி அருணகிரி நாதரை பதவி நீக்கம் செய்துவிட்டு, முறைப்படி மதுரை புதிய ஆதீனத்தை தேர்வு செய்ய வேண்டும் என்றும் மனுவில் வழக்கறிஞர்கள் வலியுறுத்தியுள்ளனர்.

Last Updated on Friday, 03 May 2013 11:24
 

Thirukkural

E-mail Print PDF

Last Updated on Tuesday, 17 April 2012 16:51
 

உங்கள் பிரசுரிப்பு

E-mail Print PDF

இந்த மலர்களின் அழகினை போலவே உங்கள் பதிவுகளையும் படைக்க முன்வாருங்கள். மலர்களின் அழகில், ஒழுங்கில், வடிவத்தில் என விபரிக்கமுடியாத ஈர்ப்பு வண்டுகளை கவர்வது போல் உங்கள் பிரசுரிப்பு நேயர்களை கவரும் வண்ணம் பார்த்துக்கொள்வது உங்கள் கைகளிலிலேயே!

 

உங்களுக்கென்று சொந்தமாக இணையத்தளம் அமைப்பதற்கு

E-mail Print PDF

உங்கள் வலைமனைக்கான புதிய வீடு அழைக்கிறது. இப்படி தான் வரவேற்கிறது பிரேவ்சைட்ஸ் (Bravesites) இணையதளம். இந்த தளம் சொந்தமாக இணையதளத்தை உருவாக்கி கொள்வது மிக மிக சுலபம் என்று சொல்கிறது.

இணையதளத்தை அமைப்பதற்கு தேவையான கோடிங் எல்லாம் அறியாமலேயே நிமிடத்தில் உங்களுக்கென சொந்த தளத்தை உருவாக்கி கொள்ளலாம் என்கிறது இந்த தளம்.

இப்படி துணிச்சலாக உறுதிமொழி அளிப்பதாலோ என்னவோ வீரமிகு(பிரேவ்சைட்ஸ்)தளங்கள் என பெயர் வைத்துள்ளனர் போலும். முன் போல இணையதளம் அமைப்பது இல்லாமல் இப்போது மிகவும் எளிதாகி விட்டாலும் கூட இணைய சாமன்யர்களுக்கு ஒரு இணையதளத்தை தாங்களே உருவாக்கி கொள்வது என்பது கொஞ்சம் மிரட்சி அளிக்கலாம்.

ஓரளவுக்கேனும் எச்.டி.எம்.எல் போன்றவையும் குறித்த பரிட்சயம் இருந்தால் தான் இணையத்தில் உள்ள கருவிகளை கொண்டு இணையதளத்தை அமைப்பது சாத்தியம். இவையெல்லாம் தேவையேயில்லை. இணையதளம் தேவை என்ற விருப்பம் இருந்தால் போதும் புதிய தளத்தை உருவாக்கி கொள்ள வழி காட்டுகிறோம் என உற்சாகம் அளிக்கிறது பிரேவ்சைட்ஸ்.

வடிவமைப்பு போன்றவற்றையும் இந்த தளமே பார்த்து கொள்கிறது. பிரவுசரிலிருந்தே தளத்தில் தகவல்களை இடம் பெற வைக்கும் வசதி, மின்னஞ்சல், வலைப்பதிவு வசதி போன்றவரை உள்ளடக்கிய இணையதளத்தை உருவாக்கி கொள்ளலாம் என்று இந்த தளம் உறுதி அளிக்கிறது.

தனி நபர்கள், இசை கலைஞரகள், வர்த்தக பிரிவினர் என அனைத்து தரப்பினரும் தங்களுக்கு தேவையான தளத்தை உருவாக்கி கொள்ளலாம் என்கிற‌து. உங்கள் தளத்தை இன்றே உருவாக்கி கொள்ளுங்கள் என்று அழைக்கும் இந்த தளம் அதை நிறைவேற்றி தருகிறது என்றாலும் ஒரு விடயத்தை கவனத்தில் கொள்ள வேண்டும்.

பெரும்பாலான சேவைகளை போலவே இந்த தளமும் அடிப்படையான தளத்தை மட்டுமே இலவசமாக உருவாகி கொள்ள உதவுகிறது. அந்த இலவச தளத்தில் இட வசதி மற்றும் கூடுதல் அம்சங்களும் குறைவு என்று தான் சொல்ல‌ வேண்டும். முழு வீச்சிலான‌ இணைய‌த‌ளம் தேவை என்றால் க‌ட்ட‌ண‌ சேவைக்கு தான் செல்ல‌ வேண்டும். ஆனால் எளிதான‌து விரைவான‌து என்ப‌தை ம‌றுப்ப‌த‌ற்கில்லை.

Bravesites

Bravenet

Last Updated on Sunday, 12 June 2011 15:01
 
  • «
  •  Start 
  •  Prev 
  •  1 
  •  2 
  •  Next 
  •  End 
  • »


Page 1 of 2

Resources




Polls

"தினம்" தளம் பற்றிய கருத்துக் கணிப்பு ?
 

Who's Online

We have 6 guests online

Advertisement


விசேட குறிப்பு :

சிகரம் தொட்ட ஸ்டீவ்:
"கம்ப்யூட்டர் இன்றி ஒரு அணுவும் அசையாது' என்றதற்போதைய அறிவியல் வளர்ச்சிக்கு, முக்கிய காரணகர்த்தாவாக இருந்தவர்களில் ஒருவர் ஸ்டீவ் ஜாப்ஸ்.ஆரம்ப கால கம்ப்யூட்டர் முதல் இக்கால "ஐபேட்' வரை உள்ள முக்கிய கண்டுபிடிப்புகள், இவரது மூளை "ஒர்க்ஷாப்'பில் உருவானவை. சிறு வயதில் சாப்பாடுக்கே வழியின்றி இருந்து, பிற்காலத்தில் சாதனையாளராக வளர்ந்தவர். அனைத்துக்கும் காரணம், இவரது கடின உழைப்புமட்டுமே. திறமையும் லட்சியமும் இருந்தால் எந்தசிகரத்தையும் எட்ட முடியும் என உலகுக்கு காட்டியவர்.ஒரு சாதாரண குடிமகனின் மறைவுக்கு, பல நாட்டு அதிபர்களும் பிரதமர்களும் இரங்கல் தெரிவிக்கின்றனர் என்றால், இவரது முக்கியத்துவத்தை உணர்ந்து கொள்ளலாம். வாழ்க்கையில்பள்ளத்தையும் பார்த்தவர், உயரத்தையும் தொட்டவர் ஸ்டீவ் ஜாப்ஸ். இந்தக் கால இளைஞர்களுக்கு இவரது வாழ்க்கையே ஒரு பாடம் தான்.

 

ஆசையான ஆப்பிள் தோட்டம்:
ஸ்டீவ் ஜாப்ஸ், பள்ளி மற்றும் கல்லூரிகளில் படிக்கும்போது, தனது இருப்பிடத்திற்கு அருகிலுள்ள ஆப்பிள் தோட்டத்திற்கு செல்வதை வாடிக்கையாக கொண்டிருந்தார். அவருடைய சந்தோஷம், துக்கம் அனைத்தையும் அந்த தோட்டம் பார்த்திருக்கிறது. பிரென்னன் என்ற பெண்ணுடன் இவருக்கு கல்லூரியில் பழக்கம் ஏற்பட்டது. அவர்கள் காதலிக்கும் இடமும் இந்த தோட்டம் தான். அந்த வசந்த காலத்தை நினைவு கூறும்விதமாக, தனது நிறுவனத்திற்கு "ஆப்பிள்' என பெயர் சூட்டினார். நிறுவனம் ஆரம்பித்த பின்னரும், அந்த தோட்டத்திற்கு செல்வதை வாடிக்கையாக கொண்டிருந்தார் ஜாப்ஸ்.

 

வாழ்க்கைப் படிகள்:
1955 பிப்.,24.ல் ஸ்டீவ், அமெரிக்காவில் சான்பிரான்சிஸ்கோ நகரில் பிறந்தார்.
1970 படிப்பை முடித்த பிறகு இந்தியாவிற்கு வந்து புத்த மதத்தில் இணைந்தார்.
1974 மீண்டும் கலிபோர்னியாவிற்கு சென்று, பள்ளி நண்பர் ஸ்டீவ் உஜைன்க் என்பவருடன்இணைந்து "கோம்ப் பிரிவிவ் கிளப்' என்றகம்ப்யூட்டர் நிறுவனத்தை ஆரம்பித்தார்.
1976 இரண்டு பேரும் இணைந்து ஆப்பிள் 1 என்ற கம்ப்யூட்டரை உருவாக்கினர்.
1977 அதிக எடை கொண்ட ஆப்பிள் 2 என்றகம்ப்யூட்டரை உருவாக்கினர்.
1983 ஆண்டு, வணிக ரீதியாக ஆப்பிள் உருவாக்கப்படும் போது, கிராபிக்கல் யூசர் இன்டர்பேசுடன் (ஜி.யூ.ஐ.,) வடிமைக்கப்பட்டு, அதுதோல்வியடைந்தது.
* மகிண்டோஷ் விற்பனைக்கு வந்தது.
1984 ஜனவரியில் மகிண்டோஷ் என்ற கம்ப்யூட்டர், வெற்றிகரமாக ஜி.யூ.ஐ., மற்றும் மவுசுடன்வடிவமைத்து வெளியிடப்பட்டது
1985 நன்பருடன் ஏற்பட்ட மன வருத்தத்தின்காரணமாக ஜாப்ஸ், அந்நிறுவனத்தில் இருந்து வெளியேறினார்.
1986 ஜாப்ஸ், "நெக்ஸ்ட்' என்ற நிறுவனத்தைஆரம்பித்தார்.
1989 ஆப்பிள் நிறுவனத்திற்கு, 188 மில்லியன் டாலர் இழப்பு ஏற்பட்டது
1997 "ஐமேக்' என்ற புதிய டெஸ்க்டாப் கம்ப்யூட்டர் பெரிய வெற்றி பெற்றது.
2001 முதல் "ஐபேடு' விற்பனை செய்யப்பட்ட போது ஆப்பிள் நிறுவனம் "ஐடியூன்' சாப்ட்வேரை வெளியிட்டது.
2004 ஜாப்ஸ் புற்றுநோயால் பாதிக்கப்பட்டுஅறுவை சிகிச்சை செய்து கொண்டார்.
2009 ஜாப்ஸ் கல்லீரல் மாற்று அறுவை சிகிச்சை மேற்கொண்டார்.
2011 ஜன .,17 ஜாப்ஸ், உடல்நலக்குறைவால் மீண்டும் மருத்துவமனையில் அனுமதிக்கப்பட்டார்.
* அக்.5 - புற்றுநோய், ஜாப்ஸ் உயிரைப் பறித்தது.


ஸ்டான்போர்டு பல்கலையை நெகிழ வைத்த சொற்பொழிவு:"ஒவ்வொரு நாளும் இறுதி நாள் தான்':
கம்ப்யூட்டர் வல்லுநர் என அறியப்பட்ட ஸ்டீவ் ஜாப்ஸ், சிறந்த பேச்சாளரும் கூட. 2005ஆம் ஆண்டு ஜூன்12ம் தேதி கலிபோர்னியாமாகாணத்தில் உள்ளஸ்டான்போர்டு பல்கலைக்கழக பட்டமளிப்பு விழாவில் அவரது பேச்சு பலராலும் பாராட்டப்பட்டது.

அந்த உரையின் தொகுப்பு:நான் கல்லூரியில் பட்டப்படிப்பை முழுமையாக முடிக்கவில்லை. நான் என் வாழ்வில் தொடர்புடைய மூன்றுகதைகளை உங்களுடன்பகிர்ந்தளிக்க விரும்புகிறேன். முதல் கதைபுள்ளிகளை இணைப்பது. நான் பிறக்கும் போது எனது தாய், தந்தை படித்துக் கொண்டிருந்தனர். என்னை மற்றொருவருக்கு தத்துக் கொடுத்தனர். அவர்கள் ஏழ்மையான குடும்பத்தை சேர்ந்தவர்களாக இருந்தாலும், என்னை குறையின்றி வளர்த்தனர். அப்போது படிப்பை தொடர வேண்டாம் என முடிவெடுத்தேன். நண்பர்கள் உதவியுடன் அவர்கள் வீட்டின் தரையில் படுத்தேன். கோவில்களில் சாப்பிட்டேன். கஷ்டங்கள் தான் என்னுள் இருந்த உள்ளுணர்வையும் தன்னம்பிக்கையும் வளர்த்தன. பத்து ஆண்டு உழைப்பின்பயனாக, "மெகின்டோஷ்' கம்ப்யூட்டரை வடிவமைத்தேன். எனது முதல் கம்ப்யூட்டர், "டைப்போகிராபி'(அச்சுக் கலை) கொண்டது. 2வது கதை : "லவ் அண்ட் லாஸ்' நான் மிகவும் அதிர்ஷ்டசாலி. 20 வயதில் என் வீட்டில்ஆப்பிள் நிறுவனத்தைதுவக்கினேன். 10 ஆண்டு உழைப்பிற்கு பின் 2 பில்லியன் டாலர்களுடன் 4,000 பேரை வேலையில் அமர்த்தியது என் நிறுவனம். 30 வயதில் என்னுள் எழுந்த வெறிக்கு அளவே இல்லை. அப்போது என்நிறுவனத்திலிருந்து நான்வெளியேற்றப்பட்டேன். அடுத்த ஐந்து ஆண்டுகளில் "நெக்ஸ்ட்' மற்றும் "பிக்ஸர்' ஆகிய நிறுவனங்களை துவக்கினேன். அப்போது தான் என் வாழ்வில் காதல் மலர்ந்தது. "பிக்ஸரில்' முதல் கம்ப்யூட்டர் அனிமேஷன் சினிமாவான "டாய் ஸ்டோரி' உருவானது. சில காலம் கழித்து ஆப்பிள்நிறுவனம், "நெக்ஸ்ட்டை' வாங்கியது. நான் மறுபடியும் புதிய உத்வேகத்துடன்ஆப்பிளில் இணைந்தேன். மூன்றாவது கதை: இறப்புசிறு வயதில் ஒரு வாசகம் எனக்கு ரொம்ப பிடிக்கும்."உங்கள் வாழ்வின் ஒவ்வொரு நாளையும் இறுதி நாளாக நினைத்து வாழ்ந்தால், ஒரு நாள் அது நிறைவேறும்' என்பதே அந்த வாசகம். இதை நான்எப்போதும் கடைபிடிப்பேன். தினமும் காலையில் எழுந்து கண்ணாடியில் முகம் பார்க்கையில் இன்றே நமக்கு இறுதி நாள் என்று நினைத்துக் கொண்டு வேலைகளை துவக்குவேன். கடந்த ஆண்டு எனக்கு கணையத்தில் புற்றுநோய் இருப்பது, பரிசோதனையில் கண்டுபிடிக்கப்பட்டது. அதன் பின் அறுவை சிகிச்சை செய்யப்பட்டது. தற்போது நான் நலமாக உள்ளேன். ஆனால், எனது வாழ்நாள்இறுதிக் கட்டத்தை நோக்கி செல்வது எனக்கு தெரியும். உங்களுக்கு ஒதுக்கப்பட்ட நேரம் குறைவு. அதை வீணாக்காதீர்கள். மற்றவர்கள் கூறிய கருத்துகளை வேதவாக்காக கொண்டு, வாழ்க்கையை நிர்ணயிக்காதீர்கள். உள்ளுணர்விற்கு மதிப்பளியுங்கள். "பசியோடு இருங்கள்; புதிய சிந்தனைகளோடு வாழுங்கள்'. இந்த வாசகத்துடன் உரையை முடித்தார் ஜாப்ஸ்


எது புதுமை:மற்ற மேதைகளை விட, வாழ்க்கையை வித்தியாசமான கோணத்தில், தத்துவார்த்தமாக பார்ப்பவர் ஸ்டீவ் ஜாப். பல்வேறு சந்தர்ப்பங்களில் அவர் கூறிய சில கருத்துகள்:
1. புதுமை என்பது, ஆயிரம் பொருட்களை, புதிய முறையில் உற்றுநோக்கி சிந்திக்கும் போது உருவாகிறது.
2. நீங்கள் பிறரிடம் எந்தவடிவத்தில் பொருள்வேண்டும் என்று கேட்கும் போதே, அவர்களின் பதிலே ஒரு புதிய பொருளைஉருவாக்க வழிவகுக்கும்.
3.உலகத்திற்கு கேடு விளைவிக்காமல், புதிய தொழில் நுட்பத்தைக் கொண்டு, பொருட்களை உருவாக்கி, மனிதர்களின் வாழ்வை செழிப்பாக்க வேண்டும்.

 

பலருக்கும் பாடமாக இருக்கும் ஸ்டீவ் ஜாப்ஸ் வாழ்க்கை :கஷ்டப்பட்ட காலம் முதல் கம்ப்யூட்டர் காலம் வரை...:
மறைந்த ஆப்பிள் நிறுவன தலைவரின் முழுப் பெயர்,ஸ்டீவன் பால் ஜாப்ஸ். 1955ம் ஆண்டு பிப்.24ம் தேதி அமெரிக்காவில் சான்பிரான்சிஸ்கோநகரில் பிறந்தார். இவரது பெற்றோர் அப்துல்பாட்டா ஜான் ஜன்டாலி, ஜோன் சிப்பெல். ஜாப்ஸ் பிறந்த போது அவரது பெற்றோருக்கு திருமணம் ஆகவில்லை. பிறந்த ஒரு வாரத்தில் பால் ஜாப்ஸ் மற்றும் கிளாரா ஜாப்ஸ் என்ற தம்பதிக்கு தத்துக் கொடுக்கப்பட்டார். 1972ம் ஆண்டு கலிபோர்னியாவில் உள்ள ஹோம்ஸ்டெட் மேல் நிலை பள்ளியில் படிப்பை முடித்தார். பின் அமெரிக்காவின் ஓரிகன் மாநிலத்தின் போர்ட்லாண்டு நகரில் உள்ள ரீட் கல்லூரியில் பட்டப்படிப்பில் சேர்ந்தார். ஏழ்மையான நிலையால் கல்லூரி படிப்பை பாதியிலேயே கைவிட்டார். நண்பர்கள் அறையில் தங்கியும், உணவிற்காக பழைய பாட்டில்கள், பேப்பர்கள் விற்றும், வார இறுதியில் "ஹரே கிருஷ்ணா' கோவிலில் இலவச உணவை பெற்றும் நாட்களை கழித்தார். 1991ம் ஆண்டு மார்ச் 18ம் தேதி, லாரின் பவல் என்பவரை மணந்தார். இவர்களது திருமணம், ஒரு புத்த துறவியின் முன் நடந்தது. இவர்களுக்கு ஒரு மகனும், இரண்டு மகள்களும் உள்ளனர். இவர் தவிர, பே எரியாபிரென்னன் என்ற பெண்ணின் மூலமாக ஒரு பெண் குழந்தையும் உள்ளது. நிறுவனம் தொடங்கியது எப்படி: ஸ்டீவ் ஜாப்ஸ், ரொனால்டு வாய்ன் மற்றும் ஸ்டீவ் வோஸ்னியாக் ஆகிய நண்பர்களுடன் இணைந்து ஆப்பிள் கம்ப்யூட்டர் நிறுவனத்தை 1976 ஏப்.,1ல் தொடங்கினர்.இந்நிறுவனம் பர்சனல் கம்ப்யூட்டர், எலக்ட்ரானிக்ஸ்,"ஐ-பேட்', "ஐ-போன்'," ஐ-பாட்' உள்ளிட்ட தயாரிப்புகளில் தனிச்சிறப்பு பெற்றது. 1985ல் ஆப்பிள் நிறுவனத்தில் இருந்து விலகிய ஸ்டீவ் ஜாப்ஸ், "நெக்ஸ்ட்' எனும் கம்ப்யூட்டர் நிறுவனத்தை தொடங்கினார். 1996ல் ஆப்பிள்நிறுவனம், ஸ்டீவ் ஜாப்சை திரும்ப அழைத்துக் கொண்டது. இந்நிலையில், அவருக்கு கணைய புற்றுநோய் என்றஅரிதான நோய் ஏற்பட்டது. வேலை செய்யாத "எஸ்கேப்': கம்ப்யூட்டரில் அந்த நேரத்தில் செய்துகொண்டு இருந்த பணியில் இருந்து தப்பிக்க "எஸ்கேப்' என்ற பட்டன் இருக்கிறது. ஆனால் உலகிற்கே கம்ப்யூட்டர் கற்றுக் கொடுத்த ஸ்டீவ் ஜாப்ஸ், புற்றுநோயிடம் இருந்து "எஸ்கேப்' ஆக முடியாமல் அக்.5ம் தேதி பலியானார்.

 

எட்டு அதிசயங்கள்:


ஸ்டீவ் ஜாப்சின் கண்டுபிடிப்புகள், உலக தொலைதொடர்பு உலகில் புரட்சியை ஏற்படுத்தின.

 

ஆப்பிள் 2:
"ஆப்பிள் 2' கம்ப்யூட்டர்,"பெர்சனல் கம்ப்யூட்டர்களில்'முதன்மையானது.

 

"மெகின்டோஷ்'(Macintosh) :
"மெகின்டோஷ்' கம்ப்யூட்டர்,என்பது கிராபிக்கல் யூசர் இன்டர்பேஷ்' கொண்டு வடிவமைக்கப்பட்டுள்ளது. இதன் சிறப்பம்சம், கம்ப்யூட்டர் பயன்படுத்துவோருக்குபடங்கள், கட்டங்கள், சின்னங்கள் மூலமாக கட்டளைகளை விளக்கலாம். உதாரணமாக, "மெனு',"பட்டன்' போன்றவற்றை கூறலாம்.

 

நெக்ஸ்ட்(NeXT):
ஆப்பிளிலிருந்து வெளியேறிய பின் ஜாப்ஸ் உருவாக்கிய சக்தி வாய்ந்த கம்ப்யூட்டர், "நெக்ஸ்ட்'.

 

ஐமேக்(iMac):
இந்த கம்ப்யூட்டரின் சிறப்பம்சம், இதன் தோற்றம். கம்ப்யூட்டரின் மானிட்டர், பிளாஸ்டிக்கால் ஆனது. இந்த வடிவம் கம்ப்யூட்டர் உலகில் புத்துணர்ச்சியை அளித்தது. ஐபாட்இது முதல் டிஜிட்டல் மியூசிக்பிளேயர். சாமானியர்களும் பயன்படுத்தும் வகையில் எளிதாக இருந்ததே இதன் வெற்றிக்கு காரணம்.

 

ஐடியூன்ஸ்(iTune):
இந்த முறையில், டிஜிட்டல் ஒலியில் பாடல்களை "டவுண்லோடு' செய்யலாம். காப்புரிமை பிரச்னை கிடையாது. இணையதளங்கள்வாயிலாக, பாடல்கள் திருடப்பட்டது ஒழிக்கப்பட்டது.

 

ஐபோன்(iPhone):
மொபைல் போன் உலகில் பெரும் புரட்சியை கொண்டு வந்தது ஐபோன்கள். எத்தனையோ மாடல்களில் மொபைல் போன்கள் வந்தாலும், இதன் விற்பனை இன்றும் சாதனை படைக்கிறது.

 

ஐபேடு(iPod):
சில நிறுவனங்கள் ஐபேடுக்குநிகராக "டேப்லட் கம்ப்யூட்டரை'வடிவமைத்து வருகின்றன. ஆனால், ஐபேடுக்கு ஈடுகொடுக்க முடியவில்லை. சிறிய கையடக்ககம்ப்யூட்டர் போன்று செயல்படுவதே, இதன் சிறப்பம்சம்.

 

 

BBC Photos

செய்தி-குறிப்பு

ஜவாஹிரியையும் கொல்வோம்: அமெரிக்கா திட்டவட்டம்

அல் காய்தா அமைப்பின் புதிய தலைவராகப் பொறுப்பேற்றுள்ள அய்மன் அல்-ஜவாஹிரியையும் கொல்வோம் என அமெரிக்கா திட்டவட்டமாகத் தெரிவித்துள்ளது.

அல்-காய்தா அமைப்பு தங்கள் நாட்டுக்கு பெரும் அச்சுறுத்தலாக உள்ளதால், அந்த அமைப்பையே முற்றிலுமாக இல்லாமல் செய்வதுதான் அமெரிக்காவின் பிரதான நோக்கமாகும். ஜவாஹிரியைப் பிடிப்பது அல்லது ஒசாமா பின் லேடனைப் போல சுட்டுக் கொல்வது உள்ளிட்ட நடவடிக்கையை ஜவாஹிரிக்கு எதிராகவும் எடுப்போம் என்று அமெரிக்க கூட்டுப் படைகளின் தலைவர் அட்மிரல் மைக் முல்லன் கூறினார்.

அமெரிக்க ராணுவத் தலைமையகமான பென்டகனில் செய்தியாளர்களிடம் பேசுகையில் அவர் இத்தகவலைத் தெரிவித்தார். அல்-காய்தா அமைப்பின் புதிய தலைவராக ஜவாஹிரி தேர்வு செய்யப்பட்டிருப்பது தமக்கு எந்த வகையிலும் ஆச்சரியமளிக்கவில்லை என்று குறிப்பிட்ட முல்லன், அல்-காய்தா அமைப்பின் தலைவராக யார் பொறுப்பேற்றாலும் அவரை பிடித்துக் கொன்று விடுவது ஒன்றுதான் சிறந்த வழி என முன்னாள் ராணுவ அமைச்சர் ராபர்ட் கேட்ஸ், பதவியிலிருந்து ஓய்வு பெறும் முன்னதாக உறுதிபட தெரிவித்ததாகக் கூறினார்.

புதிதாகப் பொறுப்பேற்றுள்ள ஜவாஹிரிக்கு சில சிக்கல்கள் இருக்கக் கூடும். ஏனெனில் முந்தைய தலைவரான ஒசாமா பின் லேடன், அந்த இயக்கம் தோன்றியதிலிருந்து தலைவராக செயல்பட்டவர். மேலும் அவரைத் தலைவராக ஏற்றுக் கொள்வதில் எவருக்கும் எந்த சந்தர்ப்பத்திலும் பிரச்னை ஏற்படவில்லை. அந்த அளவுக்கு ஒருவித ஈர்ப்பு இருந்தது. ஆனால் இவையனைத்தும் ஜவாஹிரியிடம் கிடையாது. மேலும் அவர் எகிப்தியர் என்பதால் அல்-காய்தா அமைப்பினரிடையே ஒருவித சந்தேகம் அவர் மீது உள்ளது.

ஒசாமா பின் லேடனைக் கண்டுபிடிப்பதற்கு பெருமளவில் தொகை செலவிடப்பட்டுள்ளது. இதனால் உயிரிழப்புகளும், சொத்து சேதங்களும் ஏற்பட்டன. ஆனாலும் அல்-காய்தா அமைப்பு மீண்டும் துளிர்விட அனுமதிக்கப்படக்கூடாது. அவ்விதம் அவர்கள் செயல்பட ஆரம்பித்தால் அமெரிக்காவுக்கு எதிரான தாக்குதல் நடவடிக்கைகளை, அதாவது பின் லேடனின் பிரதான நோக்கத்தை செயல்படுத்தத் தொடங்கிவிடுவர். எனவே அவர்களது செயல்பாட்டைத் தடுக்க ஆரம்பத்திலேயே நடவடிக்கை எடுக்க வேண்டும் என்று கேட்ஸ் குறிப்பிட்டதையும் முல்லன் சுட்டிக் காட்டினார்.புதிய தலைவரைத் தேர்வு செய்ய 7 வார கால தாமதம் ஏற்பட்டதற்கான காரணம் என்ன என்று செய்தியாளர்கள் கேட்டதற்கு, அவர்களது செயல்பாடு வழக்கமாக இதுபோலத்தான் இருக்கும் என்று கருதுவதாகக் குறிப்பிட்டார்.