Thinam.com

  • Increase font size
  • Default font size
  • Decrease font size
முதல் பக்கம் உங்களை வரவேற்கின்றது !



Polls

"தினம்" தளம் பற்றிய கருத்துக் கணிப்பு ?
 

Who's Online

We have 5 guests and 1 member online

விசேட குறிப்பு :

லிபியாவின் முன்னாள் அரசத் தலைவர் கேணல் கடாபியின் உடல் பாலைவனத்தில் ஒரு ரகசிய இடத்தில் புதைக்கப்பட்டுவிட்டது.

செவ்வாய்க்கிழமை காலை உடல் புதைக்கப்பட்டதாக லிபியாவின் இடைக்கால நிர்வாக சபையைச் சேர்ந்த அதிகாரிகள் தெரிவிக்கின்றனர்.

கேணல் கடாபியின் மகனான முடாசிம்மின் உடலும், கடாபியின் உடல் அருகே புதைக்கப்பட்டது. இந்த நிகழ்வின் போது கடாபியின் சில உறவினர்களும் சில அதிகாரிகளும் அங்கிருந்ததாக மிஸ்ராட்டாவில் உள்ள ஒரு அதிகாரி தெரிவித்துள்ளார்.

கடாபி மற்றும் அவரின் மகனின் உடல்கள் திங்கட் கிழமை வரை மிஸ்ராட்டா நகரில் இருக்கும் ஒரு குளிரூட்டப்பட்ட இறைச்சிக் கூடத்தில் பொதுமக்கள் பார்வைக்காக வைக்கப்பட்டிருந்தது.

இவர்கள் இருவரும் பிடிபட்ட பிறகே இறந்துள்ளனர். இவர்கள் எப்படி இறந்தார்கள் என்பது தெளிவில்லாமல் இருக்கிறது.

செய்தி-குறிப்பு

ராஜபக்சேவிடம் பொன்சேகா வேண்டினால் தண்டனை மறுபரிசீலனை
இலங்கை ராணுவ நீதிமன்றம் விதித்த 30 மாத கடுங்காவல் தண்டனையை அதிபர் ராஜபக்சே உறுதி செய்ததை அடுத்து வெலிகடா சிறையில் முன்னாள் ராணுவ தளபதி சரத் பொன்சேகா அடைக்கப்பட்டார். அவர் வேண்டி கேட்டுக் கொண்டால் தண்டனையை ராஜபக்சே மறுபரிசீலனை செய்யத் தயார் என்று ராணுவ அமைச்சர் கோத்தபாய தெரிவித்துள்ளார்.
இலங்கையில் கடந்த ஜனவரி 26ல் அதிபர் தேர்தல் நடந்தது. அதில் ராஜபக்சேவை எதிர்த்து முன்னாள் ராணுவ தளபதி சரத் பொன்சேகா, எதிர்க்கட்சி கூட்டணி சார்பில் போட்டியிட்டு தோல்வி அடைந்தார். எம்.பி.யாக வெற்றி பெற்ற நிலையில், அவர் மீது ராணுவ நீதிமன்றத்தில் இரண்டு வழக்குகள் தொடரப்பட்டன. 2 வாரங்கள் கழித்து அவர் கைது செய்யப்பட்டு கடற்படை காவல் மையத்தில் வைக்கப்பட்டார்.
ராணுவ பதவியில் இருந்து கொண்டே அரசியலில் ஈடுபட்டதாக முதல் வழக்கு. அதில் பொன்சேகா குற்றவாளி என்று அறிவித்த நீதிமன்றம், அவரது பதவிக்கான தகுதி, பதக்கங்கள் ஆகியவற்றை பறித்து தீர்ப்பளித்தது. ராணுவ தளவாடங்கள் வாங்கியதில் விதி மீறல், ஊழல் தொடர்பான 2வது வழக்கில் சமீபத்தில் தீர்ப்பு வெளியானது. அதில் பொன்சேகா குற்றவாளி என்று அறிவித்த ராணுவ நீதிமன்றம், 30 மாத கடுங்காவல் சிறை தண்டனை விதித்தது. ஐ.நா. கூட்டத்தில் பங்கேற்று கொழும்பு திரும்பிய அதிபர் ராஜபக்சே, நேற்று முன்தினம் தண்டனைக்கு ஒப்புதல் அளித்து கையெழுத்திட்டார்.
இதையடுத்து, கடற்படை காவல் மையத்தில் இருந்து அவர் வெலிகடா சிறைக்கு 30ம் தேதி இரவே மாற்றப்பட்டார்.
இந்நிலையில், கொழும்பில் ராணுவ அமைச்சரும், அதிபரின் சகோதருமான கோத்தபாய கூறுகையில், “பொன்சேகா கேட்டுக் கொண்டால் தண்டனையை மறு ஆய்வு செய்ய அதிபர் தயாராக உள்ளார். பொன்சேகா மீதான வழக்கு, தண்டனை எதுவும் அரசியல் ரீதியானதல்ல. அதை போராட்டங்களாலோ, மூன்றாம் நபர் தலையீட்டாலோ தீர்க்க முடியாது” என்றார்.
‘நிமிர்ந்து நிற்பதே கவுரவம்’
“இலங்கையில் இருந்து தீவிரவாதத்தை ஒழிக்க 30 ஆண்டுகள் போராடிய பொன்சேகாவுக்கு அரசு அளித்த பரிசுதான் 30 மாத சிறை தண்டனை. இது பழிவாங்கும் செயல் என்பதை உலகம் அறியும். எனினும், அரசிடம் மண்டியிடுவதைவிட இந்த துயரமான சூழ்நிலையிலும் தலைநிமிர்ந்து நிற்பதே கவுரவம் என நினைக்கிறோம்” என பொன்சேகா மனைவி அனோமா தெரிவித்துள்ளார். பொன்சேகாவுக்கு 30 மாத கடுங்காவல் தண்டனை விதிக்கப்பட்டதை எதிர்க்கட்சி கூட்டணியான டிஎன்ஏ&வும் தரம்தாழ்ந்த பழிவாங்கும் செயல் என்று வர்ணித்துள்ளது.